Chahat mein kia duniyadaari, Ishq mein kaisi majboori
Logun ka kiya, samjhaaney do unn ki apni majboori
Mein ne dil ki baat rakhi aur tu ne duniya waaloun ki
Meri arz bhi majboori thi, unka hukm bhi majboori
Rok sako tou pehli baarish ki boondoun ko tum roko
Kacchi mitti tou mehkey gi, hai mitti ki majboori
Jab tak hansta gaata mausam apna hai, sab apne hain
Waqt paray tou yaad aa jaati hai masnooyi majboori
Aik awara badal se kion maine saaya manga tha
Meri bhi yeh nadaani thi, us ki bhi thi majboori
Muddat guzri ik waaday per aaj bhi qaaim hain Mohsin
Hum ne saari umer nibhaayi apni phli majboori
0 comments:
Post a Comment