Midhat-e-Malka-e-Haya kijiey
Khums alfaaz ka adda kijiey
Saaray kaamoun ko chorr ker Jibreel
Madeh-e-ZEHRA mulaaheza kijiey
Aap ke dar pe aa gaya Bibi
Meri kismat ka faisla kijiey
Ahl-e-Najraan PANJETAN hain Yeh
Dam agar hai Mubahila kijiey
Aap ke ghar bhi aaengi ZEHRA
Aap bhi Majlis-e-Aza kijiey
Gurr sikha deingi Madeh-e-ZEHRA ke
Aap Fizza se raabta kijiey
Ghaasiban-e-Fidak ke baarey main
Apna izhaar barmala kijiye
Jab ho mehsoos dil main Hub-e-ALI
Apni Maa'n ko dua diya kijiey