Tou meley munnay, meley kaakay buloongray blog, ab main tumhaaray kapray badloun ga. Tum ne bohat muddat se aik hi jora zaib tan ker rakha hai, jis ka qasoorwaar main hi houn. Laikin tum zyada khush mat hona, merey bachay! Abhi tumhaaray liey naye kapray bnaanay main kuch waqt darkaar hai mujhay. Main aik maatha darzi houn. Aur phir mujhay tumhara koi itna khaas khayal bhi tou nahi-- dekhta hi kon hai yaar tumhaari taraf! Khair, main tum se pehley hi maafi maang leta houn, kionke mujhay maloom hai keh main yaqeenan pehli baar main hi tumhaaray liey tumhaari jisaamat aur tumhaaray mizaaj ke mutaabiq kapra nahi sii sakta. Koi ba'eed nahi jaib ulti taraf laga doun, aik asteen choti, dosri qadray bari ker doun. Gala itna tang ker doun ke uss main se tumhaara moti aqal wala sar hi na nikal sakay. Shalwaar ke paa'inchay is darja oonchay sii doun ke kuushti kerney waalay badmaash murghay lago. Aur aasan itna tang ker doun ke...! Khair tum samajh gaye ho ge keh tumhain mujh se koi achi tawwaqu' nahi rakhni chahiey. Meri tabiyat aur mera aur rangoun ka rishta bhi tum jaantay hi ho gey. Lehaaza intehaayi saada magar tumhaari shaksiyat ke saath jachnay wala kapra banay ga tumhaaray liey, qistoun main. Ager tumhain kisi la-waaris bachay ki tarhan shalwaar kisi aur rang ki aur qameez kisi aur rang ki pehna ker chor doun mohallay main tou.... mujhay haq hai! Baap houn tumhara. Maa'n ke faraaiz bhi main hi anjaam de raha houn aur tum nakhray ker rahay ho!!!!
Chalo jitna pehna diya libaas, jaisa pehna dia, filwaqt kaafi hai. Chaltay bano ab!
Chalo jitna pehna diya libaas, jaisa pehna dia, filwaqt kaafi hai. Chaltay bano ab!
1 comments:
B....!
Hahahaha... *rofl*
Post a Comment