Koozay main aab, khaak main dana tou hai nahi
Phir bhi yeh shehr chorr ke jana tou hai nahi
Mainey tou khud ko terey tassaruf main de diya
Ab dastaras main meri zamana tou hai nahi
Sach bol ker hi dekh loun shayed woh maan jaaye
Us ne merey faraib main aana tou hai nahi
Yeh dil, tere sulook per ab roothta nahi
Yeh jaanta hai tuu ne manaana tou hai nahi
Phir kis liye hain neend ki deeda dilairyaa'n
Aankhoun ne koi khuaab dikhana tou hai nahi
Rakht e safar main apne duaain bhi baandh lo
Waa'n se kisi ne lot ke aana tou hai nahi
Naapain ge sotay jaagtay tol-e-shab-e-firaaq
Tum ne hamaray khuaab main aana tou hai nahi
Hairaa'n ho kis liye meri halat ko dekh ker
Iss aashqi ka koi zamana tou hai nahi
Dhotay hain ashq roz, puraanay nawadaraat
Aankhoun ke paas aur khazana tou hai nahi
Betha rahoun ga chup ke andherey ki aankh main
Mainey koi charaagh jalana tou hai nahi
Mumkin nahi hai tum se mulaqat aur ho
Aur merey paas koi bahana tou hai nahi
Phir bhi yeh shehr chorr ke jana tou hai nahi
Mainey tou khud ko terey tassaruf main de diya
Ab dastaras main meri zamana tou hai nahi
Sach bol ker hi dekh loun shayed woh maan jaaye
Us ne merey faraib main aana tou hai nahi
Yeh dil, tere sulook per ab roothta nahi
Yeh jaanta hai tuu ne manaana tou hai nahi
Phir kis liye hain neend ki deeda dilairyaa'n
Aankhoun ne koi khuaab dikhana tou hai nahi
Rakht e safar main apne duaain bhi baandh lo
Waa'n se kisi ne lot ke aana tou hai nahi
Naapain ge sotay jaagtay tol-e-shab-e-firaaq
Tum ne hamaray khuaab main aana tou hai nahi
Hairaa'n ho kis liye meri halat ko dekh ker
Iss aashqi ka koi zamana tou hai nahi
Dhotay hain ashq roz, puraanay nawadaraat
Aankhoun ke paas aur khazana tou hai nahi
Betha rahoun ga chup ke andherey ki aankh main
Mainey koi charaagh jalana tou hai nahi
Mumkin nahi hai tum se mulaqat aur ho
Aur merey paas koi bahana tou hai nahi
Saleem Tahir
0 comments:
Post a Comment