Kisi aur gham main itni khalish-e-nehaa'n nahi hai
Gham-e-dil merey rafeeqo gham-e-ra'igaa'n nahi hai
Kisi aankh ko sada do kisi zulf ko pukaaro
Bari dhoop parh rahi hai koi sa'ibaa'n nahi hai
Meri rooh ki haqeeqat merey aansuo'n se poocho
Mera majlisi tabbassum mera tarjumaa'n nahi hai
Koi hamnafas nahi hai koi raazdaa'n nahi hai
Faqat ik dil tha ab tak so woh meherbaa'n nahi hai
Innhi patharoun pe chal ker ger aa sako tou aao
Merey gher ke raastey main koi kehkashaa'n nahi hai
Mustafa Zaidi
0 comments:
Post a Comment